venres, 17 de novembro de 2017

Una canzone per i nostri amici di Torino

Queda pouco máis dunha semana para que Antía Pousa, profesora de 2º de primaria, viaxe a Turín para facer unha estadía de observación no Istituto Comprensivo Marconi Antonelli. Os nosos rapaces de primaria xa levan varios días preparando sorpresas para os alumnos de Turín, que Antía levará consigo. Entre elas, velaquí este precioso vídeo do coro e a súa directora María José Novo, no que os coristas interpretan unha canción en italiano e otra en galego.


Bravo ragazzi!

mércores, 15 de novembro de 2017

Entrevista a Eva Pousa sobre a súa estadía en Southampton

Eva Pousa, secretaria do centro e profesora de inglés, ven de compartir con nós a súa experiencia en Southampton logo de rematar o curso sobre Xestión e Calidade Educativa o pasado mes de outubro. Non deixes de ler esta entrevista. Grazas Eva!


Tipo de mobilidade: curso de formación
Institución de acollida: International Study Programmes
Duración: 8 días
Lugar: Southampton, Reino Unido

Podes describir brevemente en que consistiu a túa mobilidade?
Durante os tres primeiros días asistín a seminarios con profesores da zona e con membros da Ofsted. Tamén participei, de forma voluntaria, nun seminario sobre novas tecnoloxías aplicadas á educación. Como parte da mobilidade visitei dous centros educativos pertencentes a Local Authority de Southampton, un de educación primaria e outro de educación secundaria.

Que tipo de actividades levaches a cabo durante a mobilidade?
Seminarios e visitas a centros escolares que incluíron encontros con directores, xefes de estudos e coordinadores de prácticas.

Que contidos foron os máis relevantes para a túa práctica docente?
As visitas aos centros foron moi reveladoras. Os seminarios cos membros de Ofsted permitironme establecer comparacións co sisitema polo que nos reximos nós.

Cales foron os aspectos máis positivos da experiencia?
Compartir a experiencia con outros 16 profesores doutros países (Letonia, Italia, Romanía, República Checa e Portugal) Reflexionar sobre a situación do sistema educativo no noso país e poder ver cal é a situación outros países. Ver cómo é e funciona un sisitema educativo diferente ao noso.

Como cres que podería mellorar?
Sería interesante poder compartir a experencia con algún compañeiro para intercambiar impresións.

Cal prevés pode ser o impacto da túa mobilidade na túa práctica docente e no centro?
Unha das ferramentas que descubrín no seminario de novas tecnoloxías pode ser utilzada en todos os niveis educativos. Ademais, hai certos aspectos observados que se poderían aplicar no noso centro, o que suporá un i,pacto directo da mobilidade no centro.

En xeral, que balance fas desta mobilidade?
Moi satisfactorio

Estarías disposto/a a participar noutra mobilidade dentro dun proxecto Erasmus+?


Recomendarías esta experiencia a outros profesores?
Por suposto

Que lles dirías a outros profesores que están pensando solicitar unha mobilidade?
É unha oportunidade única que no se debe deixar pasar. Todos deberíamos participar nalgunha.

Para saber máis sobre a mobilidade de Eva, fai clic AQUÍ.


mércores, 8 de novembro de 2017

Nova postal recibida grazas a Postcrossing!!



A súa procedencia, Istra, unha vila rusa situada a 40 km de Moscova (e a 3500 de Ourense!). Grazas Yulia por esta fermosa instantánea do Mosteiro do Novo Xerusalén coberto pola neve. 



Non deixes de visitar o blog do proxecto para saber máis sobre Istra!

luns, 6 de novembro de 2017

Recordo de Euroscola 2017

Os organizadores de #Euroscola veñen de enviarnos estas dúas imaxes da xornada para escolares no Parlamento Europeo que tivo lugar o pasado 27 de outubro e na que participaron os noso alumnos de 1º e 2º BAC, acompañados polas súas profesoras Beatriz Nieto e Eva Pousa.



venres, 27 de outubro de 2017

¡Somos europarlamentarios por un día!

Logo de seren premiados na pasada edición do concurso Euroscola, un grupo de 20 alumnos de bacharelato, acompañados pola súa profesora de historia, Beatriz Nieto, e de inglés, Eva Pousa, participaron este viernes nun encontro internacional de estudantes europeos en Estrasburgo.  


Puideron vivir de cerca o que implica o proxecto de integración europea en convertéronse en eurodiputados por un día, participando en debates e na toma de decisións sobre temas de interese xunto coutros xoves de diferentes estados membros da UE. 

Preparados para participar na Eurocámara

Comprobamos como funciona o sistema de votación

Ademáis, tiveron a oportunidade de presentar, en inglés e francés,  o noso colexio, Ourense e Galicia, como parte dun intercambio de coñecementos que reflicte a diversidade dos pobos de Europa y enriquece o diálogo cultural. 

Adriana e Ana presentan o noso cole

Momento da presentación da nosa cidade
Ceremonia de clausura

¡Foi unha experiencia inesquecible!

xoves, 26 de outubro de 2017

¡Rumbo a Estrasburgo!

Alumnos de 1º e 2º de BAC, acompañados polas profesoras Beatriz Nieto e Eva Pousa, están rumbo a Estrasburgo para, mañá venres, representar a Galicia no Parlamento Europeo. Logo de ser premiados no concurso Euroscola 2017poderán vivir de cerca o que implica o proxecto de integración europea, participando en debates sobre temas de interese para a xuventude e compartindo a experiencia coutros rapaces de diferentes Estados membros da UE.



Parabéns, rapaces! Estamos atentos!!

martes, 24 de outubro de 2017

Postal enviada a Oklahoma City nos EEUU




Trátase dunha fermosa ilustración dixital da Rúa Lepanto polo artista ourensán Rafael Cachaldora. Agardamos que lle guste á nosa amiga americana Briana, de Oklahoma City, a capital do estado de Oklahoma.




Para saber máis sobre esta cidade e sobre a rúa representada na postal, visita o blog de Postcrossing!