venres, 21 de decembro de 2018

Volve Postcrossing!

Retomamos o proxecto de internacionalización Postcrossing at Padre Feijoo-Zorelle enviando cinco postais de Nadal a cinco cidades diferentes: Eindhoven en Holanda; Herford en Alemaña; Khavarovsk en Rusia, Wilkesboro nos EEUU e Heilongjiang en China.











Visita o blog de Postcrossing para saber máis.
Thank you all!!



martes, 18 de decembro de 2018

Entrevista a Mary e a Carmen sobre a súa estadía en Vizela, Portugal

Mary e Carmen veñen de compartir con nós a súa experiencia en Vizela, Portugal, logo de participar nunha estadía de observación no Agrupamento de Escolas Infias de Vizela . Non deixes de ler esta entrevista. Grazas!



Tipo de mobilidade: estadía de observación
Institución de acollida: Agrupamento de Escolas Infias de Vizela
Duración: 5 días
Lugar: Vizela, Portugal

Podes describir brevemente en que consistiu a túa mobilidade?
Mary: observación da docencia de varias aulas tanto de Inglés como lingua estranxeira coma de Portugués como lingua materna
Carmen: observación da xestión dun agrupamento escolar e dos programas e proxectos de inclusión que levan a cabo

Que contidos foron os máis relevantes para a túa práctica docente?
Mary: Impartín unha clase de séptimo e outra de noveno de Inglés e fixen a lectura de varios contos populares galegos
Carmen: Visitas guiadas aos dous centros escolares, a Vizela e arredores; asistencia a clases de distintos niveis; entrevista cunha coordinadora; impartición de clases de lingua e cultura galego-portuguesa.

Cales foron os aspectos máis positivos da experiencia?
Mary: Técnicas de ensino, metodoloxía, novos puntos de vista sobre a ensinanza de idiomas, inmersión na cultura inglesa
Carmen: Observar aplicación de técnicas de prevención de condutas disruptivas; nova metodoloxía na ensinanza de lingua; estratexias de prevención e solución de problemas nos centros escolares.

Como cres que podería mellorar?
Mary: Agardo que miña experiencia, unha vez compartida no meu propio centro, permita mellorar a inclusión e fomentar a innovación docente.
Carmen: Podendo interactuar con alumnos e/ou idealmente podendo levar a alumnos do centro a experimentar por sí mesmos a práctica desta metodoloxía e coñecer os aspectos culturais que tamén son obxectivo esencial das mobilidades.

Cal prevés pode ser o impacto da túa mobilidade na túa práctica docente e no centro?
En xeral, que balance fas desta mobilidade?
Moi satisfactorio

Estarías disposto/a a participar noutra mobilidade dentro dun proxecto Erasmus+?

Recomendarías esta experiencia a outros profesores?
Por suposto

Que lles dirías a outros profesores que están pensando solicitar unha mobilidade?
Mary: Que é unha experiencia fantástica e que merece moitísimo a pena. É unha oportunidade única para seguir formándose como profesores e compartir o aprendido.
Carmen: Que se animen. Que se preparen para poder falar a lingua do país que se vaia visitar e para sacar o máximo partido a unha experiencia que pode ter un impacto moi positivo en toda a comunidade educativa.


luns, 17 de decembro de 2018

Formación de Beatriz Nieto no CFR de Ourense

A coordinadora de programas europeos, Beatriz Nieto, ven de dar unha charla no Centro de Formación e Recursos para o profesorado de Ourense sobre os diferentes proxectos europeos que estamos a levar a cabo no colexio.



Ademais de amosar as iniciativas derivadas no noso proxecto Erasmus + e da nosa labor como Escola Embaixadora do Parlamento Europeo, Bea explicou os beneficios derivados destas accións: maior innovación por parte do profesorado (que se pon de manifesto en proxectos como Ciencia Activa ou Little Historiadores), maior autonomía por parte do alumnado e maior implicación das familias e maior inclusión da diferenza.






Grazas, Bea! De novo, unha mostra do impacto sostible do noso proxecto!

xoves, 13 de decembro de 2018

Charla sobre a mobilidade en Vizela


Onte pola tarde, as profesora Carmen e Mary, deron una interesante charla sobre a súa experiencia en Vizela, Portugal, logo de ter participado nunha estadía de 5 días no Agrupamento de Escolas Infías.
Mary explicounos o sistema educativo portugués e proporcionou información sobre a  historia deste agrupamento de centros, a súa xestión e funcionamento.







Carmen centrouse no enfoque metodolóxico que empregan e as medidas que teñen tomado para facer da agrupación una escola inclusiva. A súa metodoloxía é, ante todo, experiencial e aplicada e potencia a autonomía do alumno a través da avaliación de diagnóstico e formativa. Para favorecer a inclusión, tal e como facemos no noso centro, o agrupamento leva a cabo programas e proxectos en colaboración con outras institucións, para axudar a todos os alumnos a ser xestionar mellor a súa aprendizaxe, as súas emocións e as relacións interpersoais.







Grazas por un relatorio excepcional!

Charla informativa sobre un curso CLIL en Leeds, Reino Unido

Diego Iglesias, profesor de física e química, ven de compartir co equipo docente a súa experiencia logo da mobilidade en Leeds en novembro. Diego completou un curso sobre a metodoloxía CLIL (Content and Language Integrated Learning),que se basea no ensino e aprendizaxe conxuntas de contidos e lingua estranxeira.







Grazas Diego por unha fantástica exposición que sen dúbida vainos axudar a potenciar o plurilingüismo no centro!

martes, 4 de decembro de 2018

Charla sobre a estadía nas escolas de Vizela, Portugal

Logo da súa estadía no Agrupamento de Escolas Infias en Vizela, Portugal, a teacher Mary impartíu unha charla moi amena sobre a súa experiencia aos alumnos de 4º de primaria, que elaboraran un vistoso dossier sobre esta vila portuguesa. Con Mary descubriron as diferenzas entre as aulas portuguesas e as aulas de aquí, como se ensina o inglés e como se motivan aos alumnos para que saquen o máximo partido da súa aprendizaxe e do día a día na escola.






Thanks a million, Mary!

venres, 16 de novembro de 2018

Greetings from Leeds!

Moitas grazas, Diego, por esta postal desde Leeds, a cidade británica onde se está a desenvolver a terceira estadía Erasmus + deste proxecto. Fai clic AQUÍ para saber máis sobre a mobilidade de Diego Iglesias.





martes, 13 de novembro de 2018

Greetings from Leeds!

Na primeira xornada no curso AICLE en Leeds, Diego Iglesias aprende a  sacar o máximo partido de a diferentes tipos de organizadores gráficos para ensinar unha materia nun segundo idioma. Porque, segundo os expertos en plurilingüismo, este enfoque non só consiste en asimilar vocabulario relacionado coa materia en sí, senón é un conxunto de estratexias e técnicas que axudan ao alumno a mellorar as súas destrezas en inglés ao tempo que empregan o idioma nun contexto específico e para completar unha tarefa concreta.






Thanks a lot for the update, Diego!

domingo, 11 de novembro de 2018

Have a good trip, Diego!

Diego Iglesias, profesor de física e química, viaxa hoxe a Leeds, Reino Unido, para participar nun curso de formación dirixido a profesores de toda Europa sobre o enfoque AICLE (Aprendizaxe Integrado de Contidos e Linguas Estranxeiras).


Ao longo de 5 días, Diego terá a oportunidade de aprender estratexias e técnicas para deseñar materiais AICLE e aplicar este enfoque de forma máis efectiva. Ademais, poderá intercambiar impresións e experiencias con profesores de distintos países para reflexionar e importar ideas acerca dunha educación plurilingüe.




Estamos atentos, Diego!

sábado, 10 de novembro de 2018

Última xornada en Vizela

A última xornada de Carmen e Mary no Agrupamento de Escolas Infias en Vizela, Portugal, consistíu nunha fantástica sesión de lectura e contos galegos e portugueses na biblioteca da escola. Foi unha experiencia moi enriquecedora xa que, grazas á escolla de contos feita por Carmen, alumnos e profesores decatáronnse das similitudes entre o folclore galego e portugués, boa proba dun pasado cultural común.
Obrigado!!