María José Gil, profesora de inglés no colexio,
viaxará a próxima semana a cidade británica de Brighton para para participar no
52º Congreso Anual da Asociación Internacional de Profesores de Inglés como
Lingua Estranxeira. Con máis de 3000 partipantes de ata 100 países distintos, a
participación neste congreso é unha oportunidade única para entrar en contacto
con profesionais, enfoques metodolóxicos e prácticas docentes novas así como de
dar a coñecer o noso centro e entrar en contacto con docentes cos que colaborar
en futuros proxectos de innovación e internacionalización.
Esta mobilidade xa está a ter un impacto moi
positivo no centro xa que os alumnos de 2º da ESO, supervisados por Mary González,
elaboraron un diario de viaxe con información útil sobre Brighton e
entregáronllo a María José para facilitar a súa estadía nos próximos días.
Estes
alumnos, e a comunidade escolar en xeral, beneficiaranse a moi curto prazo
desta mobilidade xa que no mes de maio están programados dous seminarios nos
que María José difundirá o aprendido no evento, os retos asumibles e tamén
información acerca da cultura e tradicións desta cidade ao sur de Inglaterra.
Have a good trip, María José!
Ningún comentario:
Publicar un comentario